اسرة business youth

شعارنا التخطيط من اجل التطوير
 
الرئيسيةBUSINESS YOUTHاليوميةس .و .جبحـثالأعضاءالمجموعاتالتسجيلدخول

شاطر | 
 

 إعرف صاحبك وعلّم عليه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Hisham Mohamed Khalil

عضو ذهبي


 عضو ذهبي
avatar

عدد المساهمات : 102
تاريخ التسجيل : 28/10/2009
العمر : 24

مُساهمةموضوع: إعرف صاحبك وعلّم عليه   الجمعة ديسمبر 18, 2009 12:24 am

تعب قلبي من الأصحاب وحارت فيهم أبياتي

واحد صادق وواحد كداب وواحد يفرح لزلاتي

واحد يجرح بلا أسباب وواحد بلسم جراحاتي

إييييييييييييييه ولا دايم إلا وجه الله

سلامو عليكو .. ولو انها جات متأخرة شوية

على فكرة بيتين الشعر دول مش أنا اللي كاتبهم .. بس عجبوني وليهم علاقة بالموضوع فحطيتهم

ماعليهم

إنهاردة معايا موضوع سخن قوي

أصلي حضرني دلوقتي حتة موقف

آل كنت راكب تاكسي إنهاردة وبعدين الراجل وهو ماشي كان هيدوس واحد معدي

فسواق التاكسي زيه زي أي سواق محترم شتم الواد وهو ماشي

فأنا روحت مأييد كلامه وقولتله دوسو يا عم وخلصنا منه

فقالي ومالك بتقولها بغلّ قوي كدة ليه

قولتله أصله صاحبي

قام بصلي قوي كدة وقريت في عينه الخوف وقالي : دة الحمد لله اني مش صاحبك بقى دة انت متتصاحبش

قولتله لا يا سيدي مش الفكرة بس هو ميستاهلش

وفجأة لقيت نفسي بتكلم عربية فصحى وعمال أكلمه كلام علمي بحت

إن الأصدقاء وقت الشدة .. والصديق الحق غير الصديق البتاع .. واللات والعزى لأضربنك بالجزمة

وحاجات من هذا القبيل

طبعا الراجل تنح قوي ومفهمش ولا كلمة وقالي

خلاص يا عم أنا آسف .. إنت كبرت الموضوع ليه

قولتله يا عم أنا بنورك

قاللي لا سيبها ضلمة أحسن

ووصلت للمكان وأول ما نزلت الراجل طلع بسرعة قوي قبل ما أركب معاه تاني

لا حول ولا قوة إلا بالله

كان طيب

المهم بقى إني بسبب الموقف دة وصلت لحاجات جامدة قوي وكانت كالآتي

قسمت الناس من حيث الصداقة لعدة أنواع :-

النوع الأول ودة أعلاهم شخص بيحبك وإنت كمان بتحبه

ودة اعلى نوع لسبب إنه دايما بيفكر فيك ودايما نفسه يسعدك وعمره ما بيستخسر في حاجة ونفسه يجيبلك الدنيا دي كلها ومستعد يضحي علشانك طول الوقت وممكن يغير من نفسه علشانك لأن الحب هو اللي بيسود النوع دة

وطبعا دة متبادل بينك وبينه .. يعني انت كمان بتبقى عاوز كدة علشانه

أما النوع التاني ودة لما طرف واحد بس يكون بيحب التاني والتاني دة الموضوع بالنسبة له عادي يعني ساعتها يبقى التضحيات والمشاعر الحلوة وكل الحاجات دي بتبقى من طرف واحد وبالتالي الطرف الأول دة بيتعب قوي والموضوع بيبرد معاه مع الوقت لما بيلاقي التاني مش في دماغه ومع الوقت بيبقى بالنسباله عادي هو كمان وبتبوظ العلاقة

النوع التالت بقى إن يكون الإتنين مش في دماغهم أصلا ودة نطبقه على صاحب صاحبه بمعنى ان أحمد صاحبي وحسين صاحب أحمد .. أنا علاقتي بحسين من النوع التالت

النوع الرابع ودة بقى صحوبية مؤقتة ومرتبطة بوقت معين زي الدراسة المصيف الشغل

عرفت محمد في الدراسة وروحنا الكلية سوا ورجعنا منها سوا وذاكرنا سوا وغشينا سوا ونجحنا سوا وسقطنا بردو سوا ولما الدراسة تخلص مش بشوفه ولا بيشوفني ولا كإننا قضينا مع بعض أيام حلوة

والنوع الرابع دة قد يكون مشترك مع التالت في يعض الحاجت مثل إننا إحنا الإتنين مش في دماغنا القصة

أما بقى النوع الخامس ودة نوع منيل بنيلة وكله نفاق وكذب

لما أكون مش بطيق علاء بس بكلمه وخلاص علشان جيران مثلا وكمان هو مش طايقني وتبقى العملية ساعتها آخر حلاوة .. أشمئز لما أشوفه .. أتخنق .. وهكذا هو لما يشوفني

وفي ظهر بعض نشتم في بعض كتير وفي وش بعض نسلم بإبتسامه متكلفة

ودة أم النفاق

النوع السادس والأخير ودة أنيل نوع وهو العداوة الصريحة بينك وبينه

لما يكون أصلا واحد ميتعاشرش وبني آدم زبالة مينفعش يتصاحب وماشي بيأذي في الناس مظنش إن الناس الطبيعية هتكلمه ولا تعبره حتى ودة بيخلق عداوات كتيرة جدا حوليه

والنوع دة من العلاقة بيبقى عبارة عن خناقات مستمرة بين الطرفين سواء إشتباك بالإيد أو شتيمة مستمرة أو تحريض الناس عليه وهكذا

بس خلاص

دي الأنواع اللي توصلتلها

وأنصح كل الناس إنها تمشي بالنوع الأول وتخللي الحب هو المقياس الرئيسي في العلاقة

والنوع التاني يستحسن إن الطرف الأول لو لقى إن التاني مش بيحبه يحاول مرة واتنين وتلاتة لكن علشان يتفادى التعب النفسي لو لقى إن مفيش أمل يبقى يدوس على نفسه ويكون وسط يعني يتنقل بصاحبه دة للنوع التالت أو الرابع

وطبعا مفيش داعي أوصي أنكم تتجبنوا الخامس والسادس دول خالص لأنهم مصيبة

أقوللكم على سر ومتقولوش لحد

أنا جربت الست أنواع دول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
el.3mery

مشرف عام


 مشرف عام


عدد المساهمات : 138
تاريخ التسجيل : 25/10/2009

مُساهمةموضوع: رد: إعرف صاحبك وعلّم عليه   الجمعة ديسمبر 18, 2009 12:32 am

dيا دنيا فيها الصحاب فى اجازه ولا واد ولا بنت ليهم عازه
مع الاعتزار
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mona

عضو فضي


 عضو فضي
avatar

عدد المساهمات : 26
تاريخ التسجيل : 16/11/2009
العمر : 24

مُساهمةموضوع: رد: إعرف صاحبك وعلّم عليه   الجمعة ديسمبر 18, 2009 1:25 am

أنا عن نفسى أتعلمت ان الواحد ميوئفش حياته عشان خاطر حد أيوه يصاحب ويحب زى النوع الاول بس يحاول يتوقع من الادامه اى خيانة عشان ميتصدمش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Hisham Mohamed Khalil

عضو ذهبي


 عضو ذهبي
avatar

عدد المساهمات : 102
تاريخ التسجيل : 28/10/2009
العمر : 24

مُساهمةموضوع: رد: إعرف صاحبك وعلّم عليه   السبت ديسمبر 19, 2009 12:16 am

لــمـا الثقه تكون كبير اوي صعب انه يتوقع من الأدامه خيانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin

مدير المنتدي


 مدير المنتدي
avatar

عدد المساهمات : 171
تاريخ التسجيل : 20/10/2009
العمر : 27

مُساهمةموضوع: رد: إعرف صاحبك وعلّم عليه   السبت ديسمبر 19, 2009 2:47 pm

اعتقد اني برضك قابلت الست انواع

وفيه مقوله جامده جدا افتكرتها بمناسبه الموضوع ده

احزر عدوك مره واحزر صديقك الف مره

وبعدين هو انت ياعميري موش عاجبك حد خالص كده

امال الناس الي انت بتمشي معاها دول بتسلي نفسك بيهم ولا ايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://businessyouth.yoo7.com
mona

عضو فضي


 عضو فضي
avatar

عدد المساهمات : 26
تاريخ التسجيل : 16/11/2009
العمر : 24

مُساهمةموضوع: رد: إعرف صاحبك وعلّم عليه   الأحد ديسمبر 20, 2009 1:12 am

محدش يستاحل الثقة الكبيرة تثق فيه بس مش بدرجة كبيرة أنا أصدى التوسط فى كل حاجة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ballak

عضو جديد


 عضو جديد


عدد المساهمات : 14
تاريخ التسجيل : 06/12/2009

مُساهمةموضوع: رد: إعرف صاحبك وعلّم عليه   الأحد ديسمبر 20, 2009 1:46 am

لابد ان يكون لدينا اخلاص فى كل شيء فى العمل وفى الصحبه وفى الحب هذا الاخلاص يدفعنا الى الثقه فى الناس وانا لااثق الا فييييييييييييييي الصادق الذى لا يكذب مهما كان الامررررررررررررررررررررررررررررررررررررر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
el.3mery

مشرف عام


 مشرف عام


عدد المساهمات : 138
تاريخ التسجيل : 25/10/2009

مُساهمةموضوع: رد: إعرف صاحبك وعلّم عليه   الإثنين ديسمبر 28, 2009 12:30 am

تقصد ايه يا عم اسلام بالى بمشى معاهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin

مدير المنتدي


 مدير المنتدي
avatar

عدد المساهمات : 171
تاريخ التسجيل : 20/10/2009
العمر : 27

مُساهمةموضوع: رد: إعرف صاحبك وعلّم عليه   الإثنين ديسمبر 28, 2009 1:58 am

صحابك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://businessyouth.yoo7.com
el.3mery

مشرف عام


 مشرف عام


عدد المساهمات : 138
تاريخ التسجيل : 25/10/2009

مُساهمةموضوع: رد: إعرف صاحبك وعلّم عليه   الإثنين ديسمبر 28, 2009 8:31 pm

ماشى يا برنس ابقى ادعيلى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin

مدير المنتدي


 مدير المنتدي
avatar

عدد المساهمات : 171
تاريخ التسجيل : 20/10/2009
العمر : 27

مُساهمةموضوع: رد: إعرف صاحبك وعلّم عليه   الإثنين ديسمبر 28, 2009 9:24 pm

موش فاهم ايه

ماشى يا برنس ابقى ادعيلى

انت بتقول :- تقصد ايه يا عم اسلام بالى بمشى معاهم

بقولك :- صحابك

ايه بئه :- ماشى يا برنس ابقى ادعيلى

موش فاهم ردك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://businessyouth.yoo7.com
 
إعرف صاحبك وعلّم عليه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
اسرة business youth :: المنتدي العام :: المنتدي العام-
انتقل الى: